मकवानपुर प्रहरीद्वारा एक लाख रुपैयाँसहित ५ किलो अफिम बरामद
मकवानपुर प्रहरीले ५ किलो लागूऔषध अफिमसहित एक लाख रुपैया बरामद गरेको छ ।
बुधबार विशेष सूचानको आधारमा ईलाका प्रहरी कार्यालय मनहरी मकवानपुरबाट खटिएको विशेष टोलीले जिल्लाको कैलाश गाउँपालिका वडा नं. ७ रतुवा स्थित तामलाङबाट अफिम बरामत गरेको हो ।
तामलाङबाट मनहरी तर्फ आउदै गरेको Ontest २२० सि.सि.को पल्सर मोटरसाईकललाई रोक्न खोज्दा मोटरसाइकल र झोला छोडि व्यक्ति फरार भएपछी झोला चेकजाँच गर्दा झोला भित्र ५ किलो अफिम जस्तो देखिने पदार्थ र नगद एकलाख फेला परेको जिल्ला प्रहरी कार्यालय मकवानपुरले जनाएको छ ।
फरार व्यक्तिको खोजी कार्य भइरहेको जिल्ला प्रहरी कार्यालय मकवानपुरले जनाएको छ ।