कांग्रेसको निर्वाचन परिचालन समितिले काम थाल्यो
स्थानीय आवश्यकता अनुसार चुनावी तालमेल गर्ने निर्णय गरेको नेपाली कांग्रेसले चुनावी तयारी सुरू गरेको छ ।
कांग्रेस केन्द्रीय समितिको बैठकले उपसभापति पूर्णबहादुर खड्काको संयोजकत्वमा स्थानीय तह निर्वाचन केन्द्रीय परिचालन समिति गठन गरेको थियो । समितिले आजैदेखि काम सुरू गर्दैछ ।
उपसभापति खड्काले निर्वाचन तयारीका लागि आज सातै प्रदेशका सभापति र केन्द्रीय पदाधिकारीहरूको बैठक राखेका छन् । निर्वाचन परिचालन समितिलाई पूर्णता दिने र निर्वाचन लक्षित योजना बनाउनेबारे बैठकमा छलफल हुने बताइएको छ । बैठक कांग्रेस केन्द्रीय कार्यालय सानेपामा बस्नेछ ।