साढे पाँच हजार जनामा परीक्षण गर्दा २४ जनामा कोरोना संक्रमण
नेपालमा थप २४ जनामा कोरोना संक्रमण पुष्टि भएको छ ।
देशभर ३ हजार २७८ पीसीआर र २ हजार ३०९ एन्टिजेन गरी ५ हजार ५८७ जनामा गरिएको परीक्षणमा २४ जनामा कोरोना संक्रमण पुष्टि भएको हो ।
कोरोनाका कारण मंगलबार पनि कसैको मृत्यु नभएको स्वास्थ्य मन्त्रालयले जनाएको छ ।त्यस्तै थप ५१ जना संक्रमणमुक्त भएको छ । हालसम्म नेपालमा ९ लाख ६५ हजार ७ सय ६५ जना निको भएको मन्त्रालयले जानकारी दिएको छ ।
हाल नेपालमा ८ सय १२ सक्रिय संक्रमित आइसोलेसनमा रहेको मन्त्रालयले जनाएको छ ।