पशुपति क्याम्पसमा पढ्ने २७ वर्षीया युवती मृत फेला
हेटौंडा खबर
२५ चैत्र २०७८, शुक्रबार १६:१५
पशुपति क्याम्पसका बीए तेस्रो वर्षमा अध्ययनरत युवती मृत फेला परेकी छन् ।
भोजपुरको हतुवागढी गाउँपालिका-२ की २७ वर्षीया नीला राई मृत फेला परेको महानगरीय प्रहरी परिसर काठमाडौंले जनाएको छ ।
प्रहरीका अनुसार राईको बायाँ हातको नाडीमा ब्लेडले काटेको देखिएको छ ।
अहिले शव पोष्टमार्टमका लागि शिक्षण अस्पतालमा राखिएको छ । उनको बिहीवार गोकर्णेश्वर नगरपालिका–३ जगडोलको वन कार्यालय नजिक शव फेला परेको थियो ।